Terzani, li dal Visionario il gnûf cine fat in doi agns

Il cine Visionario e vicino/lontano si metin adun par dâ vite a un avigniment speciâl dedicât ae figure di Tiziano Terzani, un riferiment a Udin ancje in graciis dal Premi Leterari Internazionâl “Tiziano Terzani”, che intal Mai dal 2024 al celebrarà il so ventenâl. La ocasion e je la jessude dal cine documentari “Tiziano Terzani, il viaggio della vita”, cun regjie di Mario Zanot, che al va insot de figure dal grant gjornalist e scritôr, dedicantji un lavôr durât doi agns. Lunis ai 16 aes 8 sot sere, li dal Visionario, e sarà presinte in sale par cjacarâ cul regjist ancje Angela Terzani Staude, la femine di Tiziano, presidente de jurie dal Premi e citadine onorarie di Udin. (A.I.) – 14.10.2023