Concierts di pianiscj a gratis te cort

Cuatri concierts a gratis e ancjetancj pianiscj a sunaran te Corte degli Orti a Pordenon in ocasion di “Enjoy Pordenon with Sicam”, il program di avigniments difondûts intal centri storic de citât, dilunc des zornadis dal Sicam, il Salon internazionâl dai components, acessoris e semilavorâts pe industrie dal mobil. I Concierts de Cort a son inmaneâts de Associazion Piano City di Pordenon, che dal 2019 e organize l’avigniment cul stes non. Si tache martars ai 17 di Otubar cul zovin pianist Martin Rizov, student dal Conservatori di musiche “Tartini” di Triest; miercus ai 18 al sunarà il pianist albanês Ivo Gjika, joibe ai 19 al tocjarà a Davide Bozut e ai 20, par sierâ, la zovine pianiste triestine Elisa Fonda. (A.I.) – 16.10.2023