Il timp dal miluç: ricetis e profums

Li de librarie Tarantola di Udin, miercus ai 18 aes 6 dopomisdì, presentazion dal libri “Il tempo della mela”, jessût par Forum e cul sottitul “Ricetis e profums dal Friûl-Vignesie Julie” di Marina Terrazzer e Paola Calvano. Il miluç al à une lungje storie in Friûl-Vignesie Julie, e la sô produzion e costituìs une realtât economiche impuartante, leade aes diviersis tradizions locâls. Lis passe 300 ricetis racueltis e chi riproponudis a metin in evidence cognossincis funzionâls e valôrs culturâi condividûts, consegnant ancje cetant materiâl ae future ricercje sientifiche e umanistiche. Cu lis autoris e dialogarà Annalisa Sandri intun avigniment organizât de associazion culturâl “La prora”. (A.I.) – 17.10.2023