“Verdi” di Gurize: in vendite i gnûfs abonaments

Di miercus ai 18 si vierç la seconde fase de campagne abonaments ae stagjon artistiche 2023/2024 dal Teatri “Verdi” di Gurize, cu la vendite dai gnûfs abonaments, intant che i biliets pai spetacui singui a saran a disposizion di sabide ai 28. Il stes dì e sarà ativade la vendite ancje sul circuit Vivaticket (par plui informazions consultâ in rêt il sît: www.teatroverdi.gorizia.it.). Il cartelon al judarà a lei la realtât e al emozionarà, cence rinunziâ al bonspirt par veicolâ messaçs e stimolâ la riflession. I spetacui a son 27, sielts dal diretôr artistic, Walter Mramor, e a spaziaran de rileture dai classics aes comediis, de danze ae musiche, cuntun voli ae atualitât e simpri cuntune grande atenzion pes fameis e i plui zovins. (A.I.) – 17.10.2023