Callas-Pasolini: il cine sul lôr incuintri al rive in Grecie

Il 2023 al celebre i 100 agns de nassite di Maria Callas (ai 2 di Dicembar dal 1923), cuntune proiezion speciâl intai lûcs là che al è stât zirât “Medea”, il cine scrit par jê di Pier Paolo Pasolini: la isule di Chania, sede des ripresis intun cu la isule di Grau. Joibe ai 19, al Chania Film Festival al vignarà presentât il cine “L’isola di Medea”, scrit e diret di Sergio Naitza, prodot cul festival Lagunamovies. “L’isola di Medea. Pasolini Callas, l’amore obliquo” al è il titul complet dal documentari dedicât al incuintri speciâl di Pasolini cu la Callas sul set di “Medea”, intal Istât dal 1967 fra la Italie e la Capadocie, dulà che forsit al à sflorît alc in plui di une amicizie fra i doi grancj artiscj. Tra i protagoniscj dal docufilm, Ninetto Davoli, Dante Ferretti, Giuseppe Zigaina, Piera Degli Esposti e Dacia Maraini. (A.I.) – 17.10.2023