La stagjon di musiche dal Teatri gnûf “Giovanni da Udine” firmade de diretore artistiche Fiorenza Cedolins si inricjìs di une gnove serie di apontaments: i “Piccoli Grandi Eventi”, in program di Otubar fint a Avrîl, che a viodaran sul palc dal Teatri cjantants lirics, pianiscj, critics musicâi e gjornaliscj inte forme de conference-conciert. Si tache vinars ai 27 cun doi apontaments dedicâts ai grancj sucès de cjançon, nassûts dispès de vene popolâr e restâts inte storie e intal repertori classic dai interpretis plui grancj in dut il mont. Il prin, aes 5.30 dopomisdì, al è cul critic Jorge Binaghi ae scuvierte dal sopran Victoria de los Ángeles. A interpretâ cualchi toc de cjantante catalane e sarà Gaja Vittoria Pellizzari, compagnade al plan di Alessandro Del Gobbo. Po dopo, Stefania Seculin, mieç sopran e atore, compagnade al piano di Eleonora Lana. La rassegne e va indevant ai 10 di Novembar fevelant di Puccini. (A.I.) – 25.10.2023
Tal Teatri gnûf di Udin a tachin lis conferencis-conciert
89
