Ultins dîs par “Jazz & Wine of Peace”, il festival inmaneât di Controtempo. Vinars ai 27 si scomence di buinore te Badie di Rosacis cul MAC Saxophone Quartet, il coletîf vienês AHL6 a Mosse, il tercet di Henri Texier cun Sébastien Texier e Gautier Garrigue a Gardiscje. Sabide ai 28 si scomence di là dal confin, tal Kulturni Dom di Nova Gorica, cun Andy Sheppard, Rita Marcotulli e Carlos Bica, po dopo di gnûf a Gardiscje par “Patrizio Fariselli plays Area” intal cincuantenâl dal disc “Arbeit macht frei”, a Cuar di Rosacis Joell Ross e a Cormons il gnûf cuintet di Enrico Rava, The Fearless Five. Domenie ai 29, par sierâ, “Eric Dolphy Underlined” al Cjistiel di Spesse cun Marco Colonna e Alexander Hawkins, la canadese Steph Richards a Fare, Jim & the Schrimps sul Cuei sloven e l’avigniment finâl “Food”, tal Teatri di Cormons, cun Paolo Fresu e Omar Sosa. (A.I.) – 26.10.2023
Foto di L. Vantusso
