Il 30% dai comuns de Regjon nol à un sportel bancjari, une situazion che e colpìs soredut i sogjets fragjii. Chest il cuadri dramatic vignût fûr dilunc dal incuintri promovût di Uilca sul teme des sieradis des filiâls des bancjis.
Al è un presidi sul teritori che la sô assence e penalize soredut i sogjets fragjii. La Uilca al à organizât une campagne nazionâl par domandâ la tutele dai sportei bancjaris, setôr che al à patît impuartants ridimensionaments intai ultins agns. Aes bancjis e aes istituzions il sindicât al à inviât une clamade fuarte.
Il president de Regjon Massimiliano Fedriga al à rimarcât che se di une bande i servizis a puedin jessi rimplaçâts cun gnovis tecnologjiis, no simpri acessibilis a dute la popolazion, di chê altre al è un impuariment dai servizis che a tegnin vivis lis comunitâts; di ca la clamade ancje ai istitûts bancjaris a tignî vivis chestis realtâts. (a.d.g.) – 26.10.23
