“La previodude riorganizazion di Leonardo no varà nissune incidence su la ocupazion intal sît produtîf di Roncjis di Monfalcon. Chest ultin di fat al è centrâl inte strategjie di disvilup de aziende, viodude ancje la alte specializazion dai siei lavoradôrs. Propit par chest al è intindiment di Leonardo potenziâ ancjemò di plui l’implant fasint gnovis assunzions dentri de fin dal an”.
Lu à dit l’assessôr regjonâl aes Ativitâts produtivis Sergio Emidio Bini dopo la riunion che si è tignude in videoconference cui vertiçs nazionâi e locâi di Leonardo par fâ il pont sul plan di disvilup e su lis prospetivis dal implant di Roncjis di Monfalcon, dopo i pinsîrs solevâts di pôc des siglis sindicâls, che cun chestis – cemût che al à sotlineât il stes Bini – al vignarà programât in curt un incuintri in Regjon par un confront su ce che al è emerzût. (a.d.g.) – 30.10.23
