100
Al jere sorenomenât ‘il re dai gratecîi’, viodût che a ‘nt veve tirâts sù plui di cuatricent in dut il mont. Al è muart a otante agns Ezio Bortolussi, imprenditôr furlan di Darzin, deventât famôs in Canadà dopo une vite di emigrant. Nassût intal 1943, al veve lavorât in Svuizare prime di lâ in Canadà, dulà che si è fermât intal 1984. Cavalîr de Republiche dal 2005, al à tirât sù cu lis sôs impresis di costruzions cierts tra i edificis plui grancj dal Nord Americhe. Intal 2014 al veve vût la medaie di arint de Regjon Friûl-Vignesie Julie “par vê onorât la tiere di origjin”. Prime de pandemie, al jere tornât in Friûl par cjapâ la lauree “Honoris Causa” de Universitât dal Friûl. (A.I.) – 06.11.2023
