Restaurât il documentari di Renato Appi su Cordenons

Par sierâ lis celebrazions pal centenari de nassite di Renato Appi, joibe ai 16 tal Auditorium dal Centri culturâl Aldo Moro a Cordenons al vignarà presentât, pe prime volte dopo il restaur, il cine “Cohors Naonis”, fat intal 1968. Achì Appi, cognossût pe sô ativitât di dramaturc, scritôr e poete, si met in vore ancje tal cine cuntun omaç in “super8” al so paîs di nassite: Cordenons. Il progjet dal restaur digjitâl dal cine e la publicazion dal Dvd a son stâts promovûts di Cinemazero. Prime de proiezion, Piero Colussi di Cinemazero al intervistarà il fotograf Elio Ciol, che al jere stât il diretôr de fotografie dal documentari. (A.I.) – 15.11.2023