Muarte par vie di un mâl improvîs l’ex sindic di Manzan Lidia Driutti

E je mancjade vie pe gnot passade par un mâl inte sô abitazion l’ex sindic di Manzan Lidia Driutti. E varès fat 69 agns ai 8 di Dicembar. Driutti, elete par dôs voltis sindic intal 2007 e intal 2012, e je stade ancje conseîr provinciâl dal Pdl e cumò e sentave tra i bancs de oposizion manzanine. E lasse l’om Leo Franco Marcuzzo e il fi Gianluca. Prime de politiche, Driutti e jere impegnade intal sociâl, inte Pro loco e inte associazion locâl dai comerciants. (a.d.g.) – 21.11.2023