“La Zonte regjonâl e à deliberât di domandâ un finanziament talian pe realizazion des infrastruturis buinis pal sglereament dal lât di Barcis, che a rivin dal Plan nazionâl di intervents infrastruturâi e pe sigurece dal setôr idric. Chest dopo dal studi di fatibilitât che al stime un bisugn di plui di 80 milions di euros dome pe realizazion des infrastruturis e che al fâs vignî sù la impussibilitât, al stât di cumò, intal definî lis tipologjiis di finanziament e lis relativis tempistichis”.
Al è ce che al à afermât vuê in aule l’assessôr regjonâl ae Difese dal ambient Fabio Scoccimarro, riepilogant lis ativitâts in cors pe progjetazion e la realizazion di intervents pal sglereament dal lât di Barcis, subiet cumò a un fenomen intens di imbuniment causât dal cumul progressîf intal bacin di materiâl aluvionâl puartât a val dai torints. (a.d.g.) – 22.11.2023
