Il comic al va dal psicolic

L’atôr e comic ligur Antonio Ornano, une muse cognossude di “Zelig”, “Colorado”, “Quelli che il calcio”, “Le iene”, cumò tra i protagoniscj de tornade in television di “Mai dire Gol” de Gialappa’s Band, al è daûr a presentâ intai teatris di dute Italie il so gnûf spetacul “Maschio caucasico irrisolto”. Cu la produzion de Good Vibrations, il spetacul al fâs tape in Friûl-Vignesie Julie, joibe ai 30 tal Teatri Palamostre di Udin. Il protagonist al è un om che al fronte la vite cuntune morâl aprossimative, pocje autostime e une dose impuartante di cinisim, fin cuant che al rive il moment di domandâ il jutori di un psicolic… (A.I.) – 29.11.2023