A frenin lis esportazions dal Friûl-Vignesie Julie

Lis esportazions dal Friûl-Vignesie Julie a viazin cul fren a man tirât. Intai prins nûf mês dal 2023 il valôr des venditis forestis des impresis regjonâls – pâr a cuasi 15 miliarts di euros – al à evidenziât un fuart sbassament a pet dal stes periodi dal an prime (mancul 7,4%, che al ecuivâl a 1,2 miliarts in mancul). Il dât al è stât evidenziât dal ricercjadôr de Ires Fvj Alessandro Russo, che al à rielaborât dâts dal Istat. La situazion delicade e rivuarde in particolâr la nestre regjon stant che Venit, Trentin-Sudtirol e Emilie-Romagne a àn il segn plui. Lontanis di chel plui 10% di Belum tirât dai ocjâi, Triest e Gurize a presentin i passîfs plui pesants (in maniere rispetive mancul 14,1% e mancul 9,3%), leâts soredut al andament des venditis di nâfs e natants (che al fâs segnâ in complès mancul 13,4%). I teritoris di Udin e di Pordenon a regjistrin flessions plui moderadis (mancul 4,1% e mancul 4,3%). (a.d.g.) – 12.12.2023