Une comedie classiche cuintri il podê

Un grant classic dal teatri rus al Teatri Gnûf “Giovanni da Udine” vinars ai 22: la opare mestre di Nikolaj Gogol “L’ispettore generale” (“L’ispetôr gjenerâl”), cun protagonist Rocco Papaleo. Scrite intal 1836 ma plui atuâl di ce che si puedi imagjinâ, la comedie e rivîf in graciis de regjie di Leo Muscato. E je une comedie satiriche che si cjape zûc dal podê e di cui che al crôt di jessi intocjabil. Cuant che al è lât in sene pe prime volte, il public al è restât displaçât: pe prime volte, i personaçs a someavin ducj negatîfs e pai spetatôrs de epoche chest no si podeve crodi. (A.I.) – 21.12.2023