99
La Bande de Polizie di Stât e je pronte a tacâ il conciert tradizionâl dal Nadâl udinês, vinars ai 22 in Domo, cu la partecipazion di doi grancj artiscj internazionâi: il tenôr Francesco Grollo e il sopran Federica Balucani. Il conciert, inmaneât de Polizie di Stât di Udin in colaborazion e cu la poie dal Comun di Udin e dal Grup Danieli, dopo la messe dal Arcivescul, Andrea Bruno Mazzocato, al sarà dedicât al vincjesim cuint aniversari dal “Maçalizi di viâl Ongjarie” dai 23 di Dicembar dal 1998, cuant che la esplosion di une bombe e à provocât la muart dai trê agjents di Polizie Paolo Cragnolino, Adriano Ruttar e Giuseppe Guido Zanier, medaiis di aur al valôr civîl. (A.I.) – 21.12.2023
