Confartigianato Udine e cjale al futûr cun fiducie ae lûs dai dâts favorevui che a àn caraterizât il 2023 cuntun flus di 827 iscrizions di gnovis impresis artesanis in cressite lizere a pet dal 2021-2022 pâr a un plui 1,2%, la percentuâl plui alte dai ultins cinc agns.
Inte conference stampe e je stade ancje dade dal so president, Graziano Tilatti, la gnove che Confartigianato Udine e à cressût la cuote di partecipazion in Udine e Gorizia Fiere cu la acuisizion des cuotis de Cciaa de Vignesie Julie che e veve il 5% de societât di gjestion de Fiere. In spiete dai dâts dal ultin trimestri dal 2023, a son in fuarte riduzion lis cessazions conzunturâls che a son stadis 741 segnant un mancul 8,1% a pet dal 2022. Lis prestazions miôr a son stadis par costruzions, benstâ – servizis ae persone e aes coletivitâts e servizis -, terziari. In câl a son i setôrs di len furniment, implants e autoriparazions – manutenzions mecanichis. (a.d.g.) – 21.12.2023
