A Gurize la art “cence barieris”

Sierade cun sucès a Udin la mostre de setime edizion di “Mind The Gap”, cumò il progjet dedicât aes arts visivis contemporaniis “cence barieris” inviât di “Altreforme” intal 2017 al è pront a rivâ ancje a Gurize, cuntune altre esposizion che e je il risultât des ativitâts di laboratori pal mont de scuele e dai centris di agregazion pai zovins. Martars ai 9,  intai spazis di Agorè in Cors Verdi 95, si scree “L’Abc”, un percors espositîf che al presente i lavôrs inmaneâts di fantats e fantatis vuidâts di artiscj professioniscj o “creatîfs”. La mostre e presente cinc videos fats in sieradure des fariis tignudis di ancjetancj artiscj cui students di scuelis de regjon. (A.I.) – 08.01.2024