Premi “Nonino” 2024: ve chi ducj i vincidôrs

Sabide ai 27 si tignarà a Roncjis di Percût, li des distilariis “Nonino”, la consegne dai premis e lis celebrazions pai cincuante agns de creazion dal Monovitigno Nonino. La jurie dal Premi, vuidade di Antonio Damasio, e à assegnât il premi internazionâl 2024 a Alberto Manguel, un mestri de sagjistiche che al à dedicât la sô vite a promovi l’amôr pe leture e lis bibliotechis e a rindi i libris acessibii a ducj. Il “Premio Nonino” al va invezit a Rony Brauman, un miedi francês nassût a Jerusalem, che al à denunziât lis persecuzions patidis dai palestinês e che par dodis agns al è stât la anime di “Medici senza frontiere” (“Miedis cence frontieris”). Pal Premi ‘Mestri dal nestri timp’ e je stade sielte Naomi Oreskes, une des inteletuâls plui impuartantis, impegnade sul rûl de sience inte societât e su la realtât dal cambiament climatic. Infin, l’inteletuâl furlan Angelo Floramo al à vinçût il Risit d’aur “Barbatella d’oro” pal so progjet leât aes lidrîs adun cu la cooperative ‘Insieme’, formade des feminis di Bosgne des citâts di Bratunac e Srebrenica. (A.I.) – 09.01.2024