Poiade la prime piere de gnove sede dal dipartiment di Medisine de Universitât dal Friûl

E je stade metude la prime piere par fâ inte aree fûr dal ex convent dai Capucins in plaçâl Kolbe la gnove sede dal Dipartiment di Medisine de Universitât dal Friûl che al ospitarà i cors di lauree in Medisine e Chirurgjie e des Professions sanitariis. A jerin presints il retôr Roberto Pinton, l’assessôr regjonâl ae Salût Riccardo Riccardi, l’assessôr regjonâl al Lavôr, Formazion, Istruzion, Ricercje Universitât e Famee Alessia Rosolen, il sindic di Udin Alberto De Toni, il diretôr gjenerâl de Aziende sanitarie universitarie Friûl Centrâl Denis Caporale, ill’aministradôr delegât dal Progjet CMR di Milan Massimo Roj e Andrea Perini, diretôr de imprese adiudicatarie Icicop di Roncjis di Monfalcon. Pe universitât a jerin ancje il diretôr dal dipartiment di Medisine, Lenonardo Sechi, di là di numerôs altris docents delegâts e referentis de ativitât dipartimentâl e il personâl de direzion Servizis operatîfs. Al tiermin de cerimonie che e à viodût deponi une pergamene dentri de prime piere, il cantîr al à vût la benedizion dal vicjari gjenerâl Guido Genero. (a.d.g.) – 10.01.2024