Il cogo Germano Pontoni intal Mulin di Basandiele

Il Mulin di Basandiele al darà acet a trê incuintris di “showcooking“ cul mestri di cusine Germano Pontoni e la coghe Gabriella Flôr. Dopo la anteprime di Dicembar, cumò al tache il calendari dai apontaments. Dilunc di chel, a saran proponudis lis ricetis cu la mîl, protagoniste in cusine intune cun prodots dal teritori par cheste scjalute: sabide ai 13 aes 10 di matine si presentaran ricetis cun formadis, mîl e verduris, sabide ai 20 la trute e la mîl e ai 27 cjar, jerbis e mîl. Dilunc dai incuintris, il cogo Pontoni al darà lis indicazions necessariis pe realizazion dai plats, sclarint dal vîf i passaçs ai partecipants. (A.I.) – 11.01.2024