Lis oposizions a acusin l’assessôr regjonâl Bini di conflit di interès

Che al sedi il president a valutâ la posizion dal assessôr Sergio Emidio Bini e che al cjapi sù lis azions necessariis par passâ un conflit palês di interès. Lis oposizions compatis cul Partito democratico, Patto per l’autonomia, Civica Fvg e Movimento 5 stelle a àn deponût une mozion par domandâ a Massimiliano Fedriga di intervignî dopo lis polemichis che a àn invistît Bini che, di là dal rûl di assessôr, al figure tant che soci al 40% e dirigjent, ancje se cence incarghis, di Euros&Promos Spa, societât che – simpri lant daûr des oposizions – e partecipe in maniere indirete, traviers une cooperative, a garis di apalt di ents controlâts de Regjon, tant che Arpa, Asfo o Cro e chest cence jentrâ intes desenis di afidaments dal sisteme public dal teritori. (a.d.g.) – 11.01.2024