92
La sociolinguiste plui famose de rêt, Vera Gheno, e rive a Udin par presentâ il so ultin libri, “Antidoto”, miercus ai 17 aes 6 sore sere. Trop timp stino in rêt ogni dì? Cetancj messaçs e peraulis scritis si scambiìno, dispès cun personis che no cognossìn? E sino sigûrs che lu stin fasint intal miôr mût pussibil? La autore e individue cuindis “velens de rêt” che masse dispès a acompagnin la nestre vite, i compuartaments principâi che a adotìn ogni dì sui social e che nus invelenin la vite: narcisisim, incompetence, impulsivitât, invidie, fastidi. Par ogni “velen” però al è un “antidot”, une cure, une soluzion concrete buine di judânus a puartâ un clime miôr in rêt. (A.I. – 16.01.2024)
