Il festival “Dedica” di Pordenon, inmaneât de associazion culturâl Thesis, al celebre il so trentesim aniversari. Prime di scomençâ, dai 16 ai 23 di Març, frontant come simpri dute la opare di dome un autôr, chest an il scritôr spagnûl Artur Pérez-Reverte, a son in program cinc incuintris cun ancjetancj autôrs che a son stâts za protagoniscj de rassegne. Si tache ai 26 di Zenâr a Pordenon cu la scritore e poetesse cilene Carmen Yáñez, che e vignì intal 2015 adun cul so om, Luis Sepúlveda. Chei altris autôrs che a saran impegnâts in conversazions ator pe regjon a son Paolo Rumiz, la latinoamericane Gioconda Belli, il svedês Björn Larsson e l’alzerin (ma di lenghe francese) Yasmina Khadra. (A.I.) – 17.01.2024
“Dedica” al celebre trente edizions e al tache cun cinc grancj ospits
107