95
Un dai obietîfs de direzion dal president dal ERT, Alberto Bevilacqua, e je la viertidure dai teatris dal circuit ancje a atôrs emergjents e ae dramaturgjie contemporanie. In cheste direzion e va la tournée di Niccolò Fettarappa e Lorenzo Maragoni cun “Solo quando lavoro sono felice” (O soi content dome cuant che o lavori), un spetacul là che si fevele de vocazion e dai bêçs, dal timp de vite e di chel timp dal lavôr, dal passaç dal precariât al disfrutament di cui che al è ‘paron di se’. I doi atôrs a saran joibe ai 18 li dal Teatri “Modena” di Palme e il dì dopo li dal Teatri Clabassi di Sedean, par po tornâ in Març, a Tisane e a Tumieç. (A.I.) – 17.01.2024
