Un ritrat di Pasolini donât al centri di Cjasarse

Une opare di Nane Zavagno, une des personalitâts plui impuartantis de art regjonâl, che si è distint ancje in cjamp nazionâl talian e internazionâl vie pai siei setante agns di ativitât artistiche, e je stade donade al Centri studis “Pasolini” di Cjasarse. Al è un dissen su cjarte fat intal 1985 cu la tecniche de chine e intitulât “Pier Paolo Pasolini”. Il cuadri al è stât consegnât dal fi di Nane, Antonio, al president dal Centri studis, Flavia Leonarduzzi. “Nane – al sclarìs il fi –  al à volût fâ regâl a une des ments plui saviis dal ‘900, che al à vût la fortune di cognossi tancj agns prime, in ocasion di une visite inte cjase di Giuseppe Zigaina”. (A.I.) – 18.01.2024