Pape Francesco al sarà in regjon ai 7 di Lui

Pape Francesco al sarà a Triest ai 7 di Lui dal 2024. Lu fâs savê il vescul Enrico Trevisi che al conferme la presince dal Sant Pari pe conclusion de 50me Setemane sociâl dai catolics. Al cjatarà i cunvigniscj, ma dopo al celebrarà la Messe in Place Unità d’Italia. “Il Sant Pari – al à dit Bons. Giuseppe Baturi, segretari gjenerâl de Conference episcopâl taliane – al sarà cun nô domenie ai 7 di Lui par puartâ un messaç ai partecipants al apontament di Triest e par celebrâ la Messe”. (a.d.g.) – 24.01.2024