Dal teatri al cine e di gnûf sul palc

Prime a teatri dal 1966, po dopo un famôs cine musicâl diret di Bob Fosse intal 1972 cun Liza Minnelli, “Cabaret” al è il prin musical ‘grant’ de storie, che al esplore temis di politiche, amôr e libertât personâl intune epoche di grande inciertece. Ambientât inte Republiche di Weimar intal 1931, prime de assension al podê dal Partît Nazionalsocialist di Adolf Hitler, “Cabaret” al rive al Teatri Gnûf “Giovanni da Udine” di vinars ai 26 a domenie ai 28 inte gnove version de compagnie Roma City Cabaret Musical cun doi interpretis ecezionâi: Arturo Brachetti, ancje regjist, e Diana Del Bufalo. (A.I.) – 25.01.2024