Cumò al è di vê pôre. Dopo la otave partide pierdude – la tierce intal ultin mês -, l’Udin al è pe prime volte dal principi dal campionât in plene zone retrocession. Dopo il 2-0 de Atalanta a Bergamo, e je a 18 ponts cun Verone e Cagliari. Un pont daûr, a 17, al è l’Empoli (che a ‘nd à fats cuatri dopo vê cambiât l’alenadôr!), ultime in classifiche la Salernitana. Pe prime volte di trente agns, i blancs e neris si cjatin a zuiâ pardabon par no lâ in B e sabide ai 3 di Fevrâr, in cjase cuintri il Monza par une partide fondamentâl, a saran ancje cence public. Il stadi al è stât scualificât par un turni dopo la partide cuintri il Milan, ma la societât e à fat ricors e dentri di miercus ai 31 si varès di savê se par cheste partide delicade a saran i tifôs o no. (A.I.) – 29.01.2024
L’Udin in zone di pericul al spere di tornâ a vê i siei tifôs
109