Un balet pai cent agns di Fellini

In ocasion dai cent agns de nassite di Federico Fellini, il Balletto di Siena al cjape ispirazion dal mont magjic e oniric dal regjist di Rimini, celebrant la sô cinematografie e il gjeni creatîf. Su lis notis di Nino Rota e Nicola Piovani, i compositôrs che a àn savût intercetâ e tradusi in musiche l’imagjinari dal regjist, intal spetacul “Fellini, la dolce vita di Federico”, in sene miercus ai 31 li dal Teatri Ristori di Cividât, a aparissin in sene personaçs straordenaris e si riclamin storiis che a àn fat imortâl il cine talian: chês dai cines “La Strada”, “Amarcord, “La dolce vita”, “8 e ½”, par un viaç intal imagjinari di un dai regjiscj talians plui amâts di simpri. (A.I.) – 30.01.2024