Une scriture musicâl par corâl e cuartet strumentâl des poesiis plui significativis dedicadis dai siei amîs a Federico Tavan, il poete di Andreis muart intal 2013. “Il Capodoglio. Rapsodia per Federico”, in program vinars ai 2 di Fevrâr tal teatri “Zancanaro” di Sacîl, al è un spetacul prodot de Associazion Culturâl de Corâl Polifoniche di Montreâl su tescj di Massimo Somaglino (che al è ancje il contadôr). Sul palc, un ensemble musicâl cul tenôr Omar Siega, la stesse corâl di Montreâl: un “jo coletîf” che al dopre lis poesiis di Baudelaire, ma ancje di Emy Giacomello, Rosanna Paroni Bertoia, Ida Vallerugo… (A.I.) – 31.01.2024
Musiche, peraulis e poesiis par Federico Tavan
78