Une serade speciâl tal Cinemazero vinars ai 2 di Fevrâr cu la anteprime dal FMK, il festival di curtmetraçs internazionâi, rivât a Pordenon ae vincjesime edizion, che chest an si tignarà dai 24 ai 26 di Lui. Un avigniment a jentrade libare, dedicât a cuatri curtmetraçs prodots sul teritori, presentâts dai rispetîfs autôrs, sot dal segn dal “thriller”. A vierzi la serade “Glasses – Gli occhiali “ di Matteo Corazza, che al sarà in sale par presentâ il cine curt. Dal stes autôr al è “Distanze”, intant che la tierce proiezion in program e je “Notturno in villa” di Carlo Pontesilli. A sierâ la serade Paolo Brugnera cul so “Ostropek è vivo!”. (A.I.) – 01.02.2024
A Cinemazero, dome curtmetraçs fats in regjon
87