Un conciert par pianos e proiezions

Musiche classiche, inovazion e tecnologjiis multimediâls a son i ingredients di “The Planets”, il conciert in program sabide ai 3 di Fevrâr, aes 9 di sere, li dal Auditorium Zorutti di S. Zuan dal Nadison cul duet pianistic En Blanc et Noir. Al è l’ultin apontament de rassegne “Passaggi (musicali)” (Passaçs (musicâi)), ideade de associazion RiMe MuTe inte suaze dal calendari di apontaments teatrâi e musicâi previodûts pe stagjon 2023/2024 intal teritori dai Comuns che a fasin part de gjestion associade “Noi Cultura e Turismo”. The Planets al è un viaç musicâl traviers i planets dal sisteme solâr, interpretât di doi pianos e ideât dai zovins artiscj Lorenzo Ritacco e Matteo Di Bella, cu la proiezion di imagjins che a reagjissin in timp reâl ae musiche. (A.I.) – 02.02.2024