Il festival “San Vito Jazz” ideât e diret di Flavio Massarutto al rive ae decime otave edizion tornant aes origjins, cun doi apontaments ospitâts dal Teatri Arrigoni, dulà che la rassegne e je nassude. Daûr de tradizion, metât de programazion e fonde lis lidrîs intal teritori, intant che chê altre e va ae ricercje di gnovis vôs e gnûfs stimui. Si tache ai 2 di Març cun “The Peace Concert”, il progjet comissionât al saxofonist pordenonês Francesco Bearzatti, sul palc cuntun “dopli cuart”: chel cun Federico Casagrande, Alessandro Turchet e U.T. Gandhi e il Cuartet di Arcs dal Arrigoni. Chei altris concierts in Març a son l’omaç a Nina Simone di Graziella Vendramin, la zovine cjantante Sara Zaccarelli cui Soul Train e il pianist brasilian Amaro Freitas. (A.I.) – 07.02.2024
San Vito Jazz: un “conciert pe pâs” pai 18 agns
67