103
Luis Zayas cun 2,26 e Airine Palsyte cun 1,88 a son i vincidôrs de seste edizion di “UdinJump”, il meeting di salt adalt che si è fat li dal PalaIndoor di Padier, dentri dal circuit dai principâi avigniments mondiâi al cuviert. Al è stât un sucès di public, in direte streaming cun 60 Paîs colegâts, e ancje cul record di presincis sui spalts, cjapant dentri i piçui atletis e lis atletis de atletiche furlane, ma ancje students e studentis de scuele secondarie che a àn dissegnât lis medaiis fatis de cooperative sociâl HattivaLab di Udin. Il vincidôr al è stât il stes de edizion passade, il cuban Zayas, intant che l’ucrain Andrii Protsenko, bronç european in cjarie, nol è lât di là dai 2,18 metris. (A.I.) – 07.02.2024
