Partidis cun grant entusiasim, lis “Lezions di storie” a van indevant tal Teatri Gnûf “Giovanni da Udine”, domenie ai 11 di Fevrâr, cuntun gnûf apontament dal titul “Cleopatra e la seduzione dell’Oriente”. A fevelâ de regjine egjizie plui famose de antichitât e sarà Francesca Cenerini, docente di Storie romane li de Universitât di Bologne. La conference e je dentri dal cicli di lezions dedicadis a “La vuere dai ses”. Inte storie, il rapuart tra feminis e oms si è declinât in formis simpri diviersis, cjapant dutis lis dimensions de vite, de famee ae politiche, de economie ae culture. Traviers la narazion di cualchi vicende straordenarie, lis lezions a son la ocasion par rionzi il teme, mostrant dutis lis diferencis tra lis epochis, ma ancje i ponts di convergjence. (A.I.) – 09.02.2024
La “vuere dai ses” al Teatron e torne a tacâ di Cleopatra
70