99
La president dal Consei Giorgia Meloni sabide e sarà a Triest pes cerimoniis inmaneadis in ocasion de Zornade dal Ricuart des vitimis des foibis.
La conferme uficiâl e je rivade îr. Meloni e sarà aes 10.30 de matine al incuintri previodût al monument nazionâl de Foibe di Basovizza. A une dopomisdì e parteciparà al binari 1 de stazion centrâl di Triest ae inaugurazion dal Tren dal Ricuart.
Di là di Giorgia Meloni a saran altris cinc rapresentants dal Guvier: i ministris dai Afârs Forescj Antonio Tajani, de Istruzion Giuseppe Valditara, dai Rapuarts cul Parlament Luca Ciriani, dal Sport Andrea Abodi e de Culture Gennaro Sangiuliano. (a.d.g.) – 09.02.2024
