Civibank, la bancje di Cividât che e fâs part dal Grup Sparkasse, e à sierât l’esercizi 2023 cuntun util net di 10,7 milions di euros, in miorament net a pet de pierdite di 33,8 milions dal 2022 leade a efiets straordenaris intal percors di agregazion cul cjâf grup. Il Consei di aministrazion di CiviBank, vuidât di Alberta Gervasio, vuê al à aprovât i risultâts preliminârs riferîts al an passât. La racuelte direte di clientele e reste invariade in sostance a 3,26 miliarts di euros, confermant il bon nivel di fiducie de clientele bande la bancje. Lis massis di sparagn gjestît, che a rivin a 934 milions di euros, a cressin dal 3%. Il totâl dai credits ae clientele e regjistre une riduzion, passant di 3,52 a 3,15 miliarts di euros (-10,5%), leade massime ae contrazion gjenerâl de domande di credit a nivel di sisteme bancjari, i rigjâfs totâi a rivin a 125,6 milions di euros in cressite dal 1,4% a pet dal risultât dal 2022. (a.d.g.) – 09.02.2024
Civibank di Cividât e torne a fâ profit
110