La storie de contesse contadine

Une zornade dedicade a une des feminis de regjon che a son stadis protagonistis de lôr epoche, subiets atîfs par cambiâ la societât dal lôr timp. Il Teatri Gnûf “Giovanni da Udine” e onore joibe ai 15 Catarine Percude, la seconde figure feminine dal progjet “Soggetto donna” par cure di Roberto Valerio. In “La contessa contadina: Caterina Percoto” la atore Anna Bonaiuto e contarà la vite de scritore e poetesse furlane, une femine fûr dai schemis, che e à fat gare cui miôr cjâfs dal so timp par cirî di cambiâ lis sortis de puare int. Prime dal spetacul, la presentazion in anteprime nazionâl dal volum “Rileggere Caterina Percoto oggi” di Sergia Adamo, Elisabetta Pozzetto e Jessy Simonini. (A.I.) – 14.02.2024

Foto di F. di Benedetto