De television al teatri cuntun personaç di Shakespeare

Al rive ancje intal circuit dal Ert il gnûf test firmât di Ugo Chiti pe storiche compagnie florentine Arca Azzurra. “Falstaff a Windsor“ al è il titul dal spetacul ispirât a un dai grancj protagoniscj di William Shakespeare. Il spetacul, cun protagonist Alessandro Benvenuti – che al à scomençât 50 agns indaûr cul cabaret, al è deventât famôs cui Giancattivi e za tal 1982 al à tacât a lavorâ pal cine, al sarà ospit de stagjon di prose de Fondazion “Luigi Bon” martars ai 20 tal gnûf Teatri Comunâl di Tavagnà, a Felet. Il dì dopo al sarà li dal Candoni di Tumieç e joibe ai 22 li dal Auditorium Comunâl di Çopule. (A.I.) – 19.02.2024

Foto di S. Pea