De television al palc. Vinars ai 23, li dal teatri “Rossetti” di Triest, e rive une ospite internazionâl cetant innomenade: Candace Bushnell, in sene tant che atore e interprete dal monolic “True Tales of Sex, Success and Sex and the City”. La scritore e gjornaliste americane di New York e je famose in graciis dal libri cul stes titul, burît fûr de rubriche “Sex and the City” che je e scriveve a metât dai agns Nonante sul “New York Observer” e che al à fat nassi ancje la preseade serie pe television. Il personaç di Carrie Bradshaw al è l’alter ego di Candace Bushnell e il spetacul (in inglês cun soretitui) al darà la pussibilitât di cjatâ cheste femine e di tornâ a vivi cun jê lis gnots bulintis e sfolmenadis di New York. (A.I.) – 22.02.2024
Lis gnots ‘sfolmenadis’ te citât di New York
66