Leturis e cjançons pe Tiere

“Il cjant de Tiere” (Il canto della Terra) al è il titul de serade di contis e di musiche sunade dal vîf, inmaneade par sabide ai 24 li dal auditorium “E. Venier” a Pasian di Prât par vierzi lis celebrazions dai trente agns de Pro Loco. Une sere dedicade ae Tiere, ae nature, cuntun viaç che al tache dal folclôr di une volte e che e cîr un dialic cul dì di vuê, in graciis dai tocs origjinâi de poliedriche artiste Sybell (ven a stâi Cristina Spadotto), ispirâts aes stagjons e al rapuart cu la nature. A saran letis ancje lis poesiis de sô racuelte “La pelle che navigo”, che a laran a intiessisi cu lis leturis di Doadi Lamo dal libri “Marcovaldo” di Italo Calvino. (A.I.) – 23.02.2024