E torne in Italie une des ospitis plui spietadis dal cicli di incuintris che il festival “Dedica” di Pordenon al à inmaneât par celebrâ il trentesim an di vite. Gioconda Belli, la poetesse e scritore nicaraguese, une des vôs femininis plui rapresentativis dal panorame leterari latinoamerican, e je autore di diviersis racueltis di poesiis e di tancj romançs che i àn dât cetancj premis e ricognossiments internazionâi. Ativiste che e à paiât simpri il so impegn civîl e politic, la autore e fevelarà dai siei libris, ma ancje di atualitât, miercus ai 28 li dal Capitol di Pordenon, cu la scritore Federica Manzon. Il dì prime, ai 27 di Fevrâr, e sarà inte Universitât di Lubiane – simpri in graciis di “Dedica” – cun Marija Ursula Geršak, esperte di culture sudamericane. (A.I.) – 26.02.2024
Foto di L. d’Agostino
