Sîs studentessis a àn vinçût la decime seste edizion di “Raccontinclasse” 2024, il concors di scriture narative promovût dal Liceu “Leopardi–Majorana” di Pordenon in colaborazion cu la Fondazion “Pordenonelegge.it”. Prime dai arlêfs dal Liceu e je stade Alice Tomio, seconde Chiara Anastasia e tierce Caterina Di Paolo. Pes scuelis dal teritori, premis a Vittoria Turchet, Federica Pasut e Ema Lajthia. La Jurie, vuidade di Teresa Tassan Viol e formade ancje dai scritôrs Enrico Galiano e Andrea Maggi, e à let i lavôrs di trente finaliscj, selezionâts di une comission di insegnants. La premiazion e je stade une gruesse fieste de scriture narative, cuntune dediche speciâl pal gjornalist Lorenzo Marchiori, un ami di pordenonelegge, muart masse adore l’an passât. (A.I.) – 27.02.2024
Fieste de scriture cun sîs studentessis
117