90
La associazion udinese dai Amîs dai museus e de art e inmanee une conference dal inzegnîr Francesco Chinellato, dedicade ai prins implants idroeletrics dal Friûl-Vignesie Julie, joibe ai 29 aes 5.30 dopomisdì, a Udin inte sede de Filologjiche, a Palaç Mantica. La cunvigne e sarà dedicade ae storiche evoluzion de architeture e ai mudaments dal teritori, che tal principi dal Nûfcent al à viodût tirâ sù gnovis tipologjiis di costruzions leadis ae industrie e ae produzion di energjie: i implants idroeletrics te val de Ciline e in chê de Midune, tal mieç di un sisteme di “stradis di aghe”. (A.I.) – 28.02.2024
