“Garage Pordenone” al è il titul dal gnûf disc dai Tre Allegri Ragazzi Morti, che al vignarà fûr ai 12 di Avrîl. Joibe ai 29 la prime gnove jessude de formazion di Pordenon, il singul “Ho’oponopono”, che al rive tal trentesim complean dal tercet in mascare plui innomenât de Italie. Al è un toc di musiche rock, svelt, che al puarte l’orloi indaûr a pet de storie de bande, o almancul cussì al pâr, cuntun test ironic. Il 2024 pai Tre Allegri Ragazzi Morti e je une anade particolâr: e sarà une fieste che e larà indevant par dut l’an, cun cetancj apontaments, tacant di un tour ator pe Italie. Za dutis plenis lis dôs datis a Fontanefrede in Mai e chê di Triest ae fin di Avrîl. (A.I.) – 28.02.2024
“Ho’oponopono”, e rive la bande ‘in mascare’
109