Il marcjât des cjasis pes vacancis nol va in crisi, ma il discors al cambie se invezit si fevele di Udin e dal so teritori. L’andament dal marcjât imobiliâr presentât vu de Fiaip inte sede de Cjamare di cumierç a Udin al conte che al lûs il marcjât des secondis cjasis, ancje parcè che a son i forescj a comprâ soredut su la cueste. Lignan e reste la plui atrative parcè che si spint fin a 8 mil euros par metri cuadri par un grant atic, ma ancje a Tarvis i presits a van sù cul gnûf che al va parsore i 4 mil euros par metri cuadri.
A Udin i presits a svuelin inte zone a Nord dongje dal centri, soredut in vie Gorizia e in viâl Volontari della Libertà, intant che e je plui grivie intal cuartîr Sant’Osvaldo. I presits a partissin dai 500 ai 3 mil euros par metri cuadri. Ben ancje i afits, soredut in graciis dai students universitaris. In provincie compraventidis in cressite a Çarvignan, in câl a Basilian e intal teritori di Manzan. (a.d.g.) – 28.02.2024
