177
A saran 22 i edificis vierts – 18 dome intal teritori de ex provincie di Udin – inte prime fin de setemane di Avrîl par “Castelli Aperti” (Cjistiei vierts), l’apontament plui preseât par scuvierzi la regjon midiant i palaçs, lis residencis, i cjistiei e i parcs, sedi privâts che publics, che pal solit a son sierâts ai visitadôrs. Chest an a son cuatri i edificis che si zontin pe prime volte ae iniziative: la Cjasefuarte di Bergum a Remanzâs, un esempli di architeture rurâl difensive; il Borc Medievâl di S. Margarite in Comun di Murùs; il Cjistiel di Glemone (daspò dai 150 scjalins de “Rive dai Langobarts”) e la ale ovest dal Cjistiel di Colorêt di Montalban. (A.I.) – 05.03.2024
