Intal mês di Març e torne a Udin la storiche rassegne di musiche al orghin “Serate d’Organo”, inmaneade di passe dîs agns de Parochie di S. Quirin in Borc Glemone, in colaborazion cu la Accademia Organistica Udinese. Trê i concierts sunâts sui orghins des dôs glesiis di vie Glemone, cun trê innomenâts musiciscj. Si tache joibe ai 7 cul zovin musicist Ismaele Gatti, che al sunarà un program dedicât ae musiche taliane e todescje dal Sîscent al Sietcent. La rassegne e larà indevant joibe ai 14 cun Giulia Biagetti e si sierarà ai 21, il dì de nassite di Johann Sebastian Bach tal 1685, cuntun program “a teme” di Alberto Gaspardo. (A.I.) – 06.03.2024
A tornin lis “Seradis al orghin” a S. Quirin
62